Drykkur Keisaraynjunnar

Best Food to Compliment Beer

Á átjándu öld varð rússneska keisaraættin víðfræg fyrir dýran smekk og óhóf á ýmsum sviðum. Rússneskir aðalsmenn fengu snjöllustu gullsmiði álfunnar til að hanna fyrir sig skrautmuni. Bestu klæðskerar seldu varning sinn á uppsprengdu verði í Moskvu og St. Pétursborg og fínustu kokkar Frakklands urðu vellríkir á að elda ofan í yfirstétt Rússlands. Þeir notuðust vitaskuld aðeins við dýrustu hráefni, sem flytja þurfti um langan veg. Þessu skoluðu Rússarnir niður með frönsku kampavíni og breskum bjór.

Bjórinn sem Rússunum hugnaðist best var dökkur – nánast biksvartur – og rammsterkur. Við gerð hans var notast við korn sem ristað var líkt og kaffibaunir, enda fylgir bjórnum einatt kaffikeimur og stundum eimir líka af súkkulaðibragði.

Sjálfir kölluðu Bretar bjóra af þessu tagi stout. Þeir framleiðendur sem voru svo lánsamir að selja til rússnesku hirðarinnar vildu vitaskuld stæra sig af hinum tignu viðskiptavinum og kölluðu framleiðslu sína imperial stout heima fyrir. Það nafn færðist síðar yfir á alla stout-bjóra sem eru með hátt áfengishlutfall, 9% eða meira.

Snemma komst sú saga á kreik að Rússarnir hafi pantað bjórinn sinn svona sterkan til að hann frysi síður í vetrarkuldunum á Eystrasalti. Sú saga mun ekki á rökum reist. Líklegra er einfaldlega að Katrín mikla og hirð hennar hafi einfaldlega kunnað að meta sterkan bjór.

Enn í dag þykir mörgum imperial stout vera hinn tilvaldi drykkur á kaldasta tíma ársins. Það er því engin tilviljun að Borg brugghús sendir frá sér bjór í þessum stíl í janúar ár hvert undir nafninu Surtur.

Fleiri greinar

Byltingin frá Bandaríkjunum

Það tíðkaðist lengi hjá evrópskum bjóráhugamönnum að tala óvirðulega um bandarískan bjór. Flestir tengdu Bandaríkin við létta og nánast vatnskennda lagerbjóra sem oftar en ekki voru bruggaðir með maís eða hrísgrjónum til blands við byggið. Og vissulega eru slíkir bjórar enn þeir sem mest eru drukknir í landi hinna frjálsu. Bjórlandslagið í Band […]

Lesa meiraLesa meira

Smakkur og góðska

Færeyingar eru okkar bestu vinir og nágrannar, auk þess sem tungumál þeirra og kunnuglegur en um leið framandi ritháttur einstakra orða er sífelld uppspretta kátínu fyrir Íslendinga. Oft er fróðlegt að skoða færeyska sögu og bera saman við Íslandssöguna, þar sem aðstæður í löndunum tveimur eru um margt líkar en þróunin oft með allt öðrum hætti.  […]

Lesa meiraLesa meira

Íslenska brugghúsabyltingin

Íslendingar hafa rankað við sér. […]

Lesa meiraLesa meira